أولا أنا اسفه إني لم أكمل تنزيل الحلقات و لكن الحياة أخذتني.... اليوم جيت و دموعي على خدّي لما سمعت إن أخت
في الإسلام شالت الحجاب عشان خطيبها مد إيده عليها... بجد عيطت عشان إلي خسرته في هذا الشهر، عيطت عشان
لما دخلت الإسلام ظننتها قد نجت و لكن اليوم لمّا شالت الحجاب و غيرت دينها مرّه تانيه قلت لدرجه ديه سهل الدخول
و الخروج في الإسلام... عايزه أتكلم مع الأخت ديه و أنصحها بس مش عارفه حتسمع مني أو لأ عشان السرّ إنها مدخلتش عشان هي عايزه الإسلام و لكن عشان خطيبها طلب منها... يا ترى لوكلّمتها حتسمعني أو حتشوف بين عينيها ضرب خطيبها.... يا ترى دلوقتي فكرتها عنّنا إيه؟؟ مش عارفه أعمل إيه
يا ترى
الثبات صعب للدرجه دي؟؟؟ يا ترى ضربة من حد ممكن تخلي الواحد يشتري النار و يبيع الجنه؟؟ مش عارفه و الله بس
يااااا ريت حجة كل واحد فينا في القرب أو البعد لا تكون حجه دنيويه...
هناك 8 تعليقات:
يا حبيبتى انتى متضايقة ليه
هى مش دخلت إقتناعا بيه اصلا..هى كدة كانت فى الظاهر مسلمة لكن جواها لسة على الديانة بتاعتها .. و اللى زى دى احنا مش عايزها معانا اصلا..احنا عايزين اللى يعلى الدين ده و يقوم و يقومنا معاه..لكن دى امثالها كتير و نفرح انهم سابونا مش العكس
السلام عليكم
تحية طيبة
الزيارة دي مش خاصة قوي متأيف لو مش بتحبي الإعلان عوة خاصة لمتابعة الإقتتاح الجديد لمجلة رؤية مصرية يوم السبت القادم 1/8/2009
roaua.com
هتنور المجلة بوجودك
محتاج رأيك ومشاركتك معانا
خالص تحياتي
هي مدخلتش الاسلام طمعا في الجنة ولا بعدا عن النار
هي دخلت علشان حبت مسلم
وهو مش مسلم علي حق
لان المسلم الحق لا يهين امرأة
بجد الدين الاسلامي ارفع من كل ده
الدين مش حيزيد ولا حيقل بدخول مسلم او خروجه
بجد حاجة تزعل
ربنا يكرمنا ويثبتا علي الاسلام
اشهد ان لا اله الا الله وان محمدا رسول الله
سلام
حاولى وربنا يفتح قلبا على ايدك
بالتوفيق
أنا و دماغي
أشكرك على زيارتك لمدونتي و على كلماتك التي خففت حلم الذنب الذي أشعر به... شكرا جزيلا
ــــــــــــــــــــ
ورده
أشكرك يا ورده على كلماتك و أنا أوافقك على كلّ كلمة قلتها و طبعا الإسلام مش محتاج بس بنفرح لما يدخل حد دين الإسلام عشان بجد الإنسان الغير المسلم لما يدخل في دين الإسلام بيكون مواجهة لمجتمع كامل ففي شجاعة
ــــــــــــــــ
محمد غاليه
أشكرك على زيارتك و تشجيعك و الله مستعان
بصى انا معاكى انك تكونى مدايقة من الموقف
بس طالما هى سابت بمنتهى السهولة دى
يبقى هى م البداية فعلا مكنتشى مننا ولا عمرها هتكون
والموقف ده بين اللى جواها مش براها
وكده احسن الحمد لله
تحياااااااااااااااتى
السلام عليكم
الثبات صعب في دنيا مليئة بكل شئ متناقض في حياتنا
ولكن الاخت دخلت وهي غير مقتنعة بالاسلام اصلا
يعني لو اتكلمتي معها ممكن تبقي غير مقتنعةبه
بس بردوا مفيش مانع من المحاولة معاها
السلامـ عليكمـ
عندك حق تحزني يا رغده والله لانك مؤمنه حقا وعرفتي نور الايمان في قلبك وعايزه الكل يدخل فيه ..
حتي لو الاخت ديه دخلت الاسلام مش حبا فيه ولكن بناءا علي رغبه شخص معين كان لازم حد يتكلم معها ويعرفها الدين كويس لدؤجه انها تتعلق به اكتر من تعلقها بالشخص اللي كان السبب في دخولها فيه لذلك لو كان لك كلام معها ياريت تكلمها وتفهمها الدين صح او حاولي تنزلي لها دروس تفهمها او كتب وما تسكتيش لازم تعملي حاجه لان الشئ دا اجره كبير اوي هو فيه شئ اكثر من انك تخرجي حد من الظلمات الي نور ومن النار الي الجنه استعني بالله وحاولي معها مرة واثنين وربنا ان شاء الله يهديها وترجع تاني الي نور الهدايه ...
دمت بكل خير ...
إرسال تعليق