أفرح و إلّا أعيط، و الله بعيط و الدموع نازله.....
النهارده أجمل يوم عشان هو أول يوم في رمضان
بس لو كان 22 أغسطس جاه في يوم تاني كنت قلت أوحش يوم
بعيط عشان إتعودت زي النهارده حد يبوسني من جبيني و يقولي كل سنة و إنتي طيبه يا بنتي و عقبال 100 سنه
ده إلي تعودت عليه طوال 16 سنة من حياتي....
النهارده عيد ميلادي الواحد و العشرين
أيوه و الله و أخذت أروع هديه إن النهارده رمضان
يااااااااااااااه و الله ما كنتش أتوقع إنه حيحصل ده
شكرا يا الله عشان خلّيت طعم عيد ميلادي السنه ديه غير كلّ مره
شكرا يا الله لأن الفرحه دخلت قلبي من الباب الواسع و تربعت وسط قلبي
أعذرني يا الله بس دموعي ديه مش عايزه تبطل نزول أصلها تعودت تنزل و ما تلاقيش إيد بابا إلي تمسحها
فتفضل تنزل لحد ما تكفّ لوحدها
بس فرحانه و الله
فرحانه جدا جدا
كل سنة و رمضان المبارك يهلّ علينا بالخير و الفرحه و السلامه
هناك 14 تعليقًا:
ربنا كريم اوى والله كل سنه وانتى طيبه وربنا يرحم الجميع انا كمان زيك ربنا يرحم والدى الى عمري ما لقيت احن منه
ادعيله واحنا في ايام كريمه
كل سنه وانتى طيبه مره تانيه
كل عام وانتى بخير وسعاده وفاكره بابا وعمرك ماتنسى حنيته وطيبته ولمسة ايديه
وتفضل ذكراه فى قلبك منوره حياتك ومدياكى طعم السعاده والهناء
ودايما دايما يجى عيد ميلادك مع اجمل ايام ربنا ويعيد عليكى وعلى الاسره الايام بالخير والبركات
دى اول زياره...وان شاء الله ماتكونش الاخيره
كل سنة وانتى طيبة مرتين
وبجد ربنا يجعل ايامك كلها زى ايام شهر رمضان اللى هى اجمل ايام ربنا
السلام عليكم
كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
وتدبر معانيه وفهم علي النحو الصحيح
ورطب ألسنتنا بذكرك يا الله
كل سنة وانتى طيبة مرتين
مرة بمناسبة عيد ميلادك
ومرة بمناسبة رمضان
رمضان كريم عليكى
السلام عليكم ورحمة الله وبركاته
كل سنة وأنتي طيبة يا رغدة يا حبيبتي
وعقبال 100 سنة
وكل سنة مرة تانية بمناسبة شهر رمضان الفضيل
وربنا يعيده عليكي يارب وعلى الأسرة الكريمة
بكل خير وصحة وسعادة
....................
ملحوظة:
إن شاء الله هكون
طول شهر رمضان في مدونتي التانية
شذى الإسلام
أختك
▼ (( Angel Love )) ▼
بعد السلام عليكم
ربنا أن شاء الله ما يغلق لكي للفرحة باباً .. ويارب أيامك كلها تكون عامرة بالفرح والسعادة
أزيك يا رغدة .. يارب تكونى فاكرانى
أنا عارف أنى غايب بس مش ناسيكى
الغياب ما منعش أنك تكونى علي البال علطول
والحمد لله أول ما أدخل عندك من زمن ألاقيكي فرحانة .. يارب دايما تكونى فرحانة
كل سنة وأنتي بخير وبصحة وسلامة وسعادة وأقرب إلي الله دايما .. ورمضان كريم عليكي
وكل سنة وأنتي طيبة مرة تانية بمناسبة عيد ميلادك وربنا يجعل أعوامك اللي جاية كلها أسعد من أعوامك اللي فاتت
ورحمة الله علي والدك اللي هوا أكيد حاسس بيكي وسامعك دلوقتى .. ومثواه الجنة بإذن الله
خالص التحية والإحترام
بعد السلام عليكم
تعرفى أنا كنت منتظر ردك عليا على أحر من الجمر بس كنت متوقعه هنا لأنى مش بأدخل مدونتى فماجاش في بالي خالص أنك هتردى عليا عندي زي زمان .. بس الحمد لله شوفت ردك من عالميل
بجد ما تتصوريش فرحتى كانت أد أيه لما شوفت ردك .. وأطمنت عليكي
رغدة .. هوا في طلب كده أنا طالبه منك بس لو مش هينفع عادي أنا هأكون مقدر ومش هأزعل .. بس أديكي شايفة أنا بقالي أد أيه مقاطع التدوين وبأبقي عايز أطمن عليكي
فالطلب أنه يعني لو مش هيضايقك هتلاقى الميل بتاعي علي بروفيلي في البلوج فلو مش عندك مانع ممكن تضيفيني . أهوه علي الأقل أنا بأفتح الميل أكتر من دخولى للمدونة
ولو دا شئ هيضايقك فخلاص مفيش مشكلة
وأخيرا .. أغفرى ليّ جرأتى
خالص التحية
أبو صلاح
لا أدري أين أكتب
هنا أم هناك و لكن عندي أو عندك فهو سواء
حاولت و الله حاولت أن أجد وسيلة إتصال بك عن طريق الإيميل
ليس اليوم أو البارحه و لكن منذ زمن
منذ أن قررت أن تنقطع على التديون
لم أجد الجرأة أن أطلب منك إيميل و لكن لم أستطع أن أجد الإيميل
حاولت و حاولت والله
كيف أجده؟؟؟
أخبرني ماذا أفعل؟؟
لا أدري و لكن لا أجد الشجاعه أن أضع إيميلي عندي هنا....
أخبرني و أنتظر ردك
و ساعدني على جرأتي أنا أيضا
كل سنه وانتي طيبه بمناسبه رمضان وعيد ميلادك
وان شاء الله ربنا هيعوضك خير
ادعي لبابكي دايما هو دا اللي بجد هتوفي الدين ليه ولدا صالح يدعوا له عبري عن حبك مش بالدموع بالدعاء وقراه القران
أبو صلاح
أخذت الإيميل و أضفتك و أسمح لي لأنني أزلت التعليق الذي يحمل الإيميل منعا لأي مشاكل
فلا تغضب مني
و السلام عليكم
السلام عليكم ورحمة الله وبركاته
كل سنة وحضرتك طيبة
وعيد ميلاد سعيد
ورمضان كريم علينا وعليكم
بإذن الله
أختك في الله: آية
كل سنة وانت طيبة وعقبال ملييييييييون سنة
وكل رمضان وانت بخير
وربنا مايحرمكيش من ذكري والدك العزيزة عليكي
إرسال تعليق