يا خوفي أفتِكر......
يا خوفي أفتكر دقة قلب دقت عشانه
يا خوفي أحن لدمعة عين نزلت بِسببه
و يا خوفي أضعف و عشانه أتعب
يا ناس قولولي أفتكر و إلاخليني ناسيه؟
متعودتش أرجع لِوراء و أروح برجلي لِسبب تعبي
عِشت عذاب و مصدقت أرتاح........
تيجي يا قلبي دلوقتي و تقولي حنيت؟
مِشيت يا قلبي وراك مره و حلِفت لأحكٌِم عقلي يمكن أفلح
بس دلوقتي عقلي تاه و خاف علي قلبي ليتعب
سلٌِمه أمره و قال له إختار...يمكن تنجح و تعيش مرتاح
فقولولي أفتكر و إلا خليني ناسيه؟؟
هناك 5 تعليقات:
اول تعليق
ل
رومانسى
مش عارف مالك الايام دى بس فكرى بعقلك شويه ممكن تقدرى تنسى بس ليه تبعدى قلبك عن التفكير لانه دايما هيرجعلك تفكرى فيه تانى
حاولى تفكرى وتشوفى ايه اللى وصلك لكده
رومانسي
مش عارفة مالي، سألت نفسي و قالت و انا مالي و مالك
سألت عيني فقالت وانا دموعي غاوية تنزل فأنا مالي؟
سألت الدنيا فقالت إنتي غاوية نكد فأشربي من كاس مرها
آآآه يا رومانسي اسأل مين و الا مين
أنا كمان مش عارفة مالي
واضح إنى فى حاجة محيراكى
بس انتى أكتر واحدة تقدرى تقررى
محدش هيحس بيكى أكتر من نفسكى
فكرى كويس وقررى
دمتى فى حفظ الله
مش بايدك إنتى إللى تقررى إنك تفتكرى ولا تخليكى ناسية ..ماكانشى حد غلب
هى دى الحياة والواقع إللى المفروض نعيشه..والحيرة شئ طبيعى في الحياة ، المهم مش نتوه ونضيع
تحياتى
إرسال تعليق