صباح الخير!!!!!!!!!

ناس تقوم الصبح و تشرب قهوة و تكون رايقة و أنا كل يوم أصطبح بالأوتوبيس و حضرة زميلي

رحت الجامعة و أنا كالعادة بحلم بالنوم، كل يوم أروح محطة الأتوبيس عين مفتحه و التانيه مغمضة، آه والله و كل ما أصبٌح علي زميلي كريم اليوم يعدي مش فايت:

-رغدة صباح الخير

-(لا حياة لمن تنادي) بس و الله رديت بس يمكن في سري

-لسه نايمة؟ ماشي لما تصحي كلميني أنا أهو حعد جنبك (ده كان و إحنا راكبين الأتوبيس و قلت في سري ده قال صباح الخير و كمان حيعد جنبي؟ ربنا يستر اليوم با من أوله)

كان برد جاااااامد جدا و المطر بينزل كأنه بركان غاضب

فتحت عيني و بصي لزجاج الحافلة و هو غرقان في بحر المية، قلت يا حرام أكيد بردان و لمسته بإيدي و قلتله حاسه بيك

بتصرخ و تنادي يا مطر إرحمني

بتبص علينا و بتعاتب يا ناس حسٌوا بيا

حسيت بيك و تمنيت أحميك بس ما باليد حيلة

عاتبت نفسي و قلت أنا دافيان و هو بردان يا تري هو ده العدل؟؟

أخذت منديلا و صرت أداعب به ذلك الزجاج و أنا أبتسم و كأنه لم يعد لصراخه صدي، أذهلني منظر الشجر و أذهلني الوادي الذي كان يجري بسرعة و كأنه يلاحق الماء و ضحكت ضحكة سمعها زميل و كأني أري المشهد بعيني.فقطع صمتي و قال:

-يا صباح القشطة و المهلبية، صحيتي؟ تصدقي أنا جعت.

-عارف دمك تقيل أوييييييي، طيب أسكت لما نوصل الجامعة نبقي نتكلم عايزة أرجع للمطر.

نداني المطر و قالي مالك؟

قلتله:

يا مطر ليتني كنت مثلك أروي كل عطشان و أرسم البسمة في كل جفاف

ليتني كنت منك أو حتي قطرة واحدة تكون السبب في إحياء زرع أو أرض

ليتني أنعش كل وجه متهجم أو عابس، ليتني أداعب كل من يحتاج قطرة مطر

أيتها المطر إن الله بعثك لنا خير فياليت الخير يدوم و لا تنطعي عنا أبدا

بحب الشتا و بحب المطر، دايما أمشي تحت المطر و أروح لماما زي الفرخة ، آه ما هي ماما تقول عني فرخة، و مش عارفه ليه.

وصلنا الجامعة و دخلت المحاضرة بنشاط و في لحظة سمت صوت في الصالة بيقول: مين ذاكر عشان الإمتحان؟؟

أنا حسيت إن حد رماني من شباك الصالة و جابني وسط بركة ميه و قالي "إصحي"

-إمتحان؟؟ كريم أنا سمعت صح؟ فيه إمتحان؟؟

و من دون أن يلتفت و كأنه توقع ذهولي و صدمتي: صباحو خير هو إنتي صحصحتي دلوقتي؟

و بينما كنت في ذهولي المزبهل دخلت الدكتوره و من غير لا صباح الخير و لا مساء الخير بدأت توزيع أوراق الإمتحان، بيني و بينكم لو قالت صباح الخير كنت سبت المحاضرة و طلعت عشااان بجد زهقت إني أسمعها، هو فين الخير؟؟

شفت الإمتحان و رفعتله إيدي زي تحية العلم و قلتله : صباح الحسبات و المصايب.....

و بدئنا الإمتحان و يا ليتني لم أبدء... بس حلفت إن وجه زميلي ما أشوفه تاني الصبح أبدا