7 مايو 2010

يااااااا عااالم أنا بحبّ و بتحبّ

ياااااااااااااا عاااااااااالم أنا بحبّ و بتحبّ
اه و الله بحبّ، يااااااااااااااه مفيش كلام أدرى أقوله عشان أفهّم كلّ العالم إنّي بحبّه
مش محتاجه أفهمه هو، عشااااااان هو عارف ده، هو عالم بده
أيوه قلبي إعترف له، و كانت كلّ نبضه فيه بتقولّه بحبّك أوي أوي أوي
مكنتش أعرف أعترفله بلساني عشان عجز على إنّه يقول أي حاجه
بس قلبي مسكتش، أصل إزاي نبضه بينبض بيه و ميقولّوش إنه بيه هو عايش
و كماااااااان عرفت إنّه بيحبّني، حبّه ليا كبييييييير أوي أوي أوي....
شفته في كلّ حاجه في حياتي، شفته في عنيّا و في قلبي و في حياتي كلّها
شفته في الهدايا إلّي هداني، و في الفرحه إلّي إدّاني و في الخير إلّي ملاني
ياااه يا جمااااااعه... جريت عليكم عشان أقولكم، عشان إنتو كمااان هديّة منّه
عايزييييييييييييييين تعرفه أنا بحب ميين؟؟ و مين إلّي بيحبّني
الله، أيوه يا جماعه، الله سبحانه و تعالى، فرحتي بده خلّيتني أجي عليكم
وَأَمَّا بِنِعْمَةِ رَبِّكَ فَحَدِّثْ، الحبّ ده نعمه، و حكون أنانيه لو خبّيتها،
إزاي عرفت السرّ؟؟؟ حقولكم:
لما تكون فرحان متخلّيش الفرحه ليك إنت بس، فرّح بيها كلّ حد زعلان فديه نعمه من عنده سبحانه
لمّا بتعيط و تمسح دمعتك و تقول الحمد لله على كلّ شيئ و ترفع إيدك لربّنا و تقوله، يا الله أذكر القول الذي قول: من ترك شيئا لله عوّضه خيرا منه.. قلت الحمد لله و كمّلت بقوّه و ثقه فيه وحده سبحانه و تعالى، ده كمان نعمه من عنده.
لمّا تشوف كلّ حاجه في الدنيا بفرحه، اه و الله فرحه، و تبصّ للسما و تتنفس بعمق و تقول... اااااااااااااه ياااا ربّ والله بحّبك أوي أوي أوي.
والله الفرحه، فرحه فاتت حدووووود الأرض و السماء.. والله حاسّه إنها وصلت لمكان ملهوش حدود. والله مش بهزّر، أنا بتكلّم بجد.
عارفين حاسّه بإيه؟؟ رااااااااااااااحة بااااال، رااااحة بال كبيييييييييييرة قد الدنيا و ما فيها.. راااحة باال بتترجم بحاجه واحده و هي إن قلبي ملياااان حب لربّنا. حب بحب بيه كلّ إلّي حواليّ، حتّى الألم بحبّه عشان هو بلاااء ربّنا بيختبرني فيه.
معايا حق أقول إنّي بحب و بتحبّ؟؟
إستنوّا مدونتي الجديده إن شاء الله... حتكون هديّه من قلبي ليكم
بحبّكم في الله

هناك 7 تعليقات:

*الطالبة عفو الله *زوزو يقول...

يااااه متتصوريش قد ايه وصلني احساسك و قد ايه فرحت لفرحك

جميييل انك تفرح اوي اوي اوي بس الاجمل انك تعرف توصلك فرحي لغيرك

الحمد لله بجد خليتيني استشعر الحب لي اتكلمتي عنه و احس قد ايه هو حاجة تفرح فعلا

كثييير بنكتب عن الحب و احاسيسه بس نادرا ما بنستشعرها لربنا

و المفروض مفيش حب اجمل و اروع و احسن من حب ربنا

بجد مش عارفة اوصفلك شعوري دلوقتي بعد ما قريت كلماتك

ربنا يبارك فيك يا رب و يسعدك و ايانا دائما

احبك الله الذي احببتنا فيه
و انا ايضا احبك في الله

و في انتظار جديدك

تحياتي

صاحب المضيفة يقول...

ربنا يديم أفراحك ويرضى عنك كمان وكمان يارب

تحياتي

saragebaly يقول...

وحشتيني يا صديقتي

abo salah يقول...

دمتي في حب الله ودام الله في حبك فكانت السعادة وراحة البال جيرانك دوما بإذن الله

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

romansy يقول...

اين انتى الان